Félag tónlistarskólakennara Fræðsluráð Reykjavíkur og Fræðslumiðstöð Reykjavíkur - Vinnudagur grunnskólanemenda eftir einsetningu og lengdan skóladag. (1997).
– Ýmsar upplýsingar um hugsanlegt fyrirkomulag tónmenntakennslu í grunnskólum og hvernig laga megi starfsemi tónlistarskóla að breyttum aðstæðum er skapast við lengdan skóladag. (Athugasemdir: Jón Hrólfur Sigurjónsson).
Guðfinna Dóra Ólafsdóttir, Njáll Sigurðsson, Þórunn Björnsdóttir, Herdís H. Oddsdóttir - Skýrsla starfshóps um útgáfu námsefnis í tónmennt fyrir 4.- 6. bekk. (1990). Námsgagnastofnun.
– Merkileg lesning, sérstaklega með tilliti til rannsókna Ingvars Sigurgeirssonar (1988, 1991). Skýrsluhöfundar ekki einróma. Herdís skilar séráliti og vill að skiptingin verði: flutningur, greining, sköpun; ekki: söngur og raddbeiting, hreyfing og tjáning, hljóðgjafar og hljóðfæri, hlustun og kynning eins og í Aðalnámskrá grunnskóla. Herdís vill einnig meiri sköpun á kostnað söngs. Erfitt er að merkja að rannsóknir Ingvars Sigurgeirssonar hafi hreyft við höfundum þessarar skýrslu. (Athugasemdir Jón Hrólfur Sigurjónsson).
Iðnaðarráðuneytið - Íslenskur tónlistariðnaður - aukin sóknarfæri. (1997).
– Tónlist á Íslandi skoðuð sem atvinnu- og iðngrein. Mikið af fróðlegum upplýsingum. Hugmyndir settar framu um það hvernig styrkja megi og styðja greinina í náinni framtíð. (Athugasemdir Jón Hrólfur Sigurjónsson).
Ingvar Sigurgeirsson - Viðhorf kennara til nýs námsefnis. (1988). Bráðabirgðaskýrsla tekin saman að beiðni námsgagnastjóra.
– Kennarar nota lítið násefni í tónmennt. Námasefni 4. bekkjar grunnskóla fær sæmilegan vitnisburð en efni 5. bekkjar afleitan. Flestir kennarar láta í ljós efasemdir um nýtt og endurskoðað efni fyrir 1. og 2 bekk. Skýrsluhöfundur bendir á nauðsyn þess að þetta mál sé krufið til mergjar áður en frekari áætlanir um námsgagnaútgáfu verði teknar. (Athugasemdir: Jón Hrólfur Sigurjónsson).
Menntamálaráðuneytið - Skýrsla menntamálaráðherra um stöðu list- og verkmenntagreina, heimilisfræða og íþróttakennslu í skólum landsins og um menntun kennara í þessum greinum, samkvæmt beiðni. (1988).
– Mikill fróðleikur um stöðu tónmenntar og menntun kennara skólárið 1987-88. Skýrsla þessi er grunnur nefndarálits Njáls et al (1990). (Athugasemdir Jón Hrólfur Sigurjónsson). - Tónmenntakennsla í grunnskólum skólaárið 2002 -2003: niðurstöður könnunar í febrúar - mars 2003.
- Tölfræðihandbók um menntun og menningu. (1996).
– Miklar upplýsingar um menntun og menningu á Íslandi og samanburður við önnur lönd. (Athugasemdir Jón Hrólfur Sigurjónsson). - Upplýsingar um leik-, grunn- og tónlistarskóla skólaárið 1996-97. (1996).
Njáll Sigurðsson, Sigríður Sveinsdóttir, Sigursveinn Magnússon, Freyr Ófeigsson - Samstarfsnefnd tónlistarfræðslunnar: Nefndarálit. (1990). Menntamálaráðuneytið.
– Áhugaverð lesning um stöðu tónmenntar í grunnskólanum. Hugmyndir viðraðar um hugsanlegt samstarf tónlistarskóla og grunnskóla. (Athugasemdir: Jón Hrólfur Sigurjónsson).
Rekstur og Ráðgjöf ehf. - Rekstur tónlistarskóla og skólahljómsveita: Greinargerð. Unnið fyrir Menningar-, uppeldis- og félagsmálasvið Reykjavíkurborgar. (1997).
– Hér má finna mikið af gagnlegum upplýsingum um tónlistarskólakerfið í Reykjavík. Lagðar eru fram tillögur um hugsanlegar breytingar á þessu kerfi. Einnig fyrirkomulagið í Reykjavík sett í samhengi við þessa starfsemi í nágrannasveitarfélögum borgarinnar. (Athugasemdir: Jón Hrólfur Sigurjónsson).
Samtök um tónlistarhús - Álitsgerð nefndar um tónlistarhús. (1997).
Sigríður Sveinsdóttir - Könnun á starfssemi og aðbúnaði tónlistarskóla haustið 1989. (1990). Menntamálaráðuneytið.
Stefán Edelstein, Egill Friðleifsson, Jón Hlöðver Áskelsson, Sigríður Pálmadóttir, Jón Ásgeirsson, Njáll Sigurðsson - Endurskoðun námsefnis og kennslu í tónmennt í barna- og gagnfræðaskólum: Nefndarálit. (1972). Menntamálaráðuneytið, Skólarannsóknardeild.
– Hér er lögð til veigamikil endurskoðun á tónmenntakennslu, námsefnisgerð og menntun kennara. (Athugasemdir: Jón Hrólfur Sigurjónsson). - Álitsgerð og tillögur um skipan tónlistarfræðslu. (1983). Stefán Edelstein, Jón Hlöðver Áskelsson o.fl. Menntamálaráðuneytið, Skólarannsóknardeild.
Tónlistarbandalag Íslands - Könnun á fjölda tónlistariðkenda á Íslandi. (1992). Tónlistarráð Íslands.
– Sennilega fyrsta tilraun til að meta með könnun fjölda reglulegra tónlistariðkenda á Íslandi. Könnunin ætti að fást hjá Tónlistarráði Íslandis sem tók við af Tónlistarbandalagi Íslands árið 1992. (Athugasemdir: Jón Hrólfur Sigurjónsson).
Tónlistarráð Íslands og Samtök um tónlistarhús - Könnun á tónleikahaldi á Íslandi árið 1995. (1996).
|
